Бегим! Сўзим аввалида айтганларимни малол олмаслигингизни ўтинаман. Зеро, биз энди бир бутунмиз. Бизни дунёга келтириб, камолимизни орзулаганлар олдида масъулиятимиз беҳисоб. Шунинг баробарида оила аталмиш жажжи мамлакатнинг залворли шаъни иккимизни-да эътиборли бўлишга ундайди. Буни рўзғор деб қўйибдилар, бегим. Яхшисидан ёмони кўп, енгилидан оғири. Биз кираётган қўрғоннинг бир девори САБР, бир девори ҚАНОАТ, яна бир девори БАРДОШдан, яна бир девори БАХТдан иборатдир. Иккимиз ҳам турмушнинг муштига сабр билан елка тутиб, рўзғорнинг машаққатларига бардош бериб, йўқчилигу камчиликларни қаноат совути ҳимоясида енгсак, суюнаверинг, БАХТ девори соясида умргузаронлик қилиш насиб этади. Шу ўринда сизга бир танишимнинг ҳаётини мисол келтирай, токи, бундай гапларни қаердан олганимга ҳайрон бўлиб юрманг.

• кечинма

     Кўнгилнинг жимжит кўчасида овораман. Ишқдан телбалик либосини кийган юракда ингроқ: «Ишқ — бунча беаёв!», хўрсинади умиднинг қўлларида ожиз титраётган қалб.
     Овутолмайман уни… Тушунтиролмайман, қийналаман тақдир ўйинларидан. Кўнгиси келмайди унинг. Негадир бечора кўнгил ҳам ўзи «туш» деб хаёлланаётганига ишонтиришга уринади мени.
     О, бунча бешафқат бўлмасанг, ҳаёт?! Қара, кечагина бахтдан «ял-ял» ёниб яшнаётган кўнгилнинг юзларида ажин…

• кечинма

“Онамни соғиндим. Ёмо-он соғиндим… Икки йилдан ошди кўрмаганимга. Оҳ онажоним-а… Қизи-ку майли, ҳатто набирасини ҳам бир бора кўрмаган онам-а! Эҳ ўшанда соғинч шу қадар азоб эканлигини билганимда, четга турмушга чиқиш тугул, маҳалладан нарига чиқмас эдим… Соғина-соғина, соғинчга айланиб кетдим ўзим ҳам…”
(чет элга турмушга чиқиб, ватанни қўмсаб яшаётган бир аёлнинг дилрозлари…)

• онажоним

“Вир ва Зара” фильми режиссёри Яш Чопра оламдан ўтди.
Кеча Болливуд оламининг машҳур режиссёрларидан бири, ярим асрдан кўпроқ умрини кино соҳасига бағишлаган инсон  Яш Чопра 80 ёшида оламдан кўз юмди. Яқин кунларда унинг «Токи тирик эканман» фильмининг премьераси ўтказилиши керак эди. Афсуски режиссёр ушбу воқеагача яшай олмади. У бир неча кун олдин Мумбай касалхоналаридан бирига тушиб, ўша ерда вафот этди.
Яш Чопра ўз омадига зинама-зина кўтарилган. Даставвал у кино режиссёрларга ассистент сифатида иштирок этиб, мазкур соҳа сирларини ўрганган. Кейинчалик мустақил режиссёр сифатида фаолият юритиб, ўзининг продюсерлик компанияси Яш Радж Филмсни яратган. Яш Чопра ўнлаб фильмлари орқали Болливуд “Романтика қироли” номига сазовор бўлган. Унга омад олиб келган аксарият фильмлар Амитабх Баччан иштирокидаги кинокартиналардир.
Яш Чопранинг фильмлари ичида “Вир ва Зара”, “Девона юрак”, “Қўрқув”, “Чандни” ва бошқалар мавжуд.
Яш Чопра 1932 йилда ишчилар оиласида дунёга келган. Унинг ҳисобида «Энг яхши режиссёр» номинацияси билан тўртта нуфузли “Filmfare Award” мукофоти мавжуд. 

Манба: www.darakchi.uz

Мен сизга ишондим...
Шундай ишондимки, қалбим бу туйғуга лиммо-лим тўлганидан ўзимни қўярга жой тополмаяпман. Дунё бир зумгина гулларга бурканди. Нурли, фараҳбахш туйғулар бутун оламни қамраб олди. Бутун дунёними?! Ёки фақат менинг қалбим шундай ҳисга тўлганми? Билмадим… Билганим эса бахт мени йўқлаб келганини сездим. У ўзи билан яна бир мўъжизани бошлаб келди.
Ишонч гуллари...
Улар шундай ўсаяптики, гўёки мустаҳкам қалъа бўлмоқни истаяпти. Бу қалъани ҳеч ким бузиб ташлолмайди. У шунчалар мустаҳкамки, фисқу фасод тошлари ҳам дарз етказа олмайди. Унга туҳмат балоси ҳаттоки яқинлаша олмайди ҳам. Ана шунда, диллардаги рашк ўти қовжирай бошлайди… Ишонч отлиғ гуллар ишқ боғимни яшнатаяпти.
Ишонч гуллари…

• бахт

Ўша кунларимни ҳозир ҳам изтироб, ҳам энтикиш билан эслайман. Чунки биз нақ ўн уч йил бефарзандликдан азият чекдик. Шунча йил бизга ҳам Худонинг атагани бормикан, дея тунлари бедор илтижо қилдик. Тирноққа зор бўлиш, ҳар бир кунни умид билан ўтказишнинг қанақа дард эканлигини мен жуда яхши биламан. Бу йилларни шунчаки десангиз, янглишасиз. Айтиб берсам, бири кулгили, бири аламли.
— Фалон жойда зўр табиб чиққанмиш, — дерди қайнонам. — Бир бориб кўринглар-чи?
Улар қишлоқда, биз шаҳарда турганимиз учун икки томонлама чора қидирардик. Шаҳарда қандай донғи чиққан шифокорни эшитсак, албатта борардик. Қайнонам эса одамларга фойдаси теккан фолбинми, қушночми, табибми, эшитиб қолса, дарров бизга айтган. Аммо қани энди бирортасидан жўяли гап эшитган бўлсак. 

• сабр
• матонат

Dunyodagi eng yaxshi ko`rgan insonim bilan rosa yig`lashdik (hayron bo`layotgandirsiz-a?). Ha, men jonimdan ortiq sevgan insonim meni mendan-da kuchliroq sevadi, buni uning har nafasidan sezib turaman. Uning so`zlari meni yangidan hayotga keltiradi. Bitta telefondagi qo`ng`irog`imni qanchalik intiqlik ila kutishini, meni o`ylab yig`lashini, meni deb hatto tunlaridan bedor qolishini tasavvur ham qila olmaysiz. Men unga sovg`a qilgan arzimas narsani ham hammaga doston qiladi, uni men berganim bilan faxrlanadi, mening har bir muvaffaqiyatlarimdan boshi ko`kka yetadi.

Undagi muhabbatni so`z bilan ta’riflashning iloji bormikan? Mehr-muhabbatning bundan ortiq ko`rinishi bormikan? Men esa uni u ardoqlagandek ardoqlay olamanmi? Nega mensiz yashay olmasligini, haftada atigi bir martagina qiladigan qo`ng`irog`imni intizor kutishini nega his qilmayman? Yoki meni o`ylab yegani ichiga tushmayotganligi, mudom yig`lashini nega tushunmayman? Nega bir og`iz shirin so`zimni undan qizg`onaman?

Axir uning sha’niga tonnalab olqish yog`dirsa arziydi-ku! Yoki shundayin ishbilarmon bo`lib ketdimmi? Bahonani qarang: “Ishlar ko`payib ketib telefon qila olmadim”. U yoqdan javob keladi: “O`tgan haftadan beri telefonga zor termulaman. Har bir qong`iroqqa ilinj ila quloq tutaman, chorshanba kutdim, shanba kutdim… telefon ham ko‘zimga dunyodagi eng yomon maxluqdek ko`rinib ketdi”. Va nihoyat dushanba kuni telefon qilaman: go`shakdan uning dunyoda tengsiz ovozi eshitiladi. U yig`lar edi… Men ham yig`ladim…

Men sizni hammadan yaxshi ko`raman — ONAJON!!!!!!!

Davronbek Tojialiyev, 2004 yil

Тушимда яна сизни кўрдим...
Яна ўша ҳол — чеҳрангиз ҳорғин, рўзғорнинг оғир юмушлари билан овворасиз. Мен… парво қилмадим!
«Она, мен шаҳарга кетдим, шошилаяпман», — дедим.
Қаддингизни тиклаб ўғирилдингиз: нигоҳларингизда гина эмас, ўкинч эмас… жиққа ёш...
Юрагимга бетаъриф оғриқ ёпирилди...
Уйғониб кетдим...
Онагинам… Онаизорим… Нега бу тушни кўп кўраман? Нега тушларимда, хаёлларимда йиғлаб турган ҳолда намоён бўласиз? Мендан хафамисиз?.. Наҳот?! ЙЎқ! ЙЎқ!, ишонмайман…

• онажон

 

Nazira tez-tez soatiga qarab qo’yar, yuragi xovliqardi. Kichkintoylar esa bog’cha opasining yuz-ko’zlaridagi shoshqinlikni tushunmas, maza qilib o’ynashar edi. Ota-onalar ham bolalarining ko’ngliga qarab:
– Bo’ldi, endi charchadilaring, bayram tugadi, uyga keta qolaylik, – demasdi.
Bog’cha hovlisida sharlar uchadi, musiqa jaranglaydi, bolakaylar qiyqirishadi…
«Hozir diplom yoqlab chiqsa… hamma dugonalarining ota-onalari guldastalar ko’tarib kutib turishgan bo’lsa… Madinam o’ksib qolarmikan?Axir, avvallari oddiy imtihonlarda ham gul ko’tarib borardim… „Turmushga berdi-yu, onam shundayshodiyona kunim – diplom yoqlaganimda ham kelmadi”, deb ko’ngli qabaradi-da endi”…
Bu xayol Naziraga tinchlik bermayotgan bo’lsa-da, ishini tashlab keta olmasdi. Ertalab eri:
– Madinaga bora olarmikansan? – deb so’raganida:
– Albatta, bolalar bilan birpas darang-durung qilsak bas-da, keyin bo’shman, – degandi.
Bu gapidan so’ng eri ham bir dunyo ishni rejalashtirgandir.

• hikoya

  
 
 
 
 
 
 
 
 
 
 
 
 
 
 
 
 18-sentabr kuni festival hakamlar hay'atining yig‘ilishi bo‘lib o‘tdi, unda 10ta tematik va ikkita maxsus: «Oila uchun eng yaxshi sayt» va «Yil yangiligi» nominatsiyalari bo‘yicha ovoz berishning birinchi bosqichi natijalari muhokama etildi.

• festival

Insonni axloqiy jihatdan shakllantirishda, uning ichki olamini go‘zallashtirish, his-tuyg‘ularini tarbiyalashda adabiyot ta’limi, ayniqsa mumtoz adabiyot namunalari alohida mavqega ega. Buyuk shoir Alisher Navoiy ijodini 5—6-sinflarda  va 7—9-sinflarda  o‘rganish, «Xamsa» asarining mag‘zini chaqish, shoir ijodini sinfdan tashqari mashg‘ulotlarda o‘rganish yuzasidan matbuot sahifalarida metodik tavsiya va yo‘riqlar berilgan edi.

Quyidagi tavsiyada umumiy o‘rta ta’lim maktablarining 8-sinflarida shoir g‘azallarining tahlili ustida to‘xtalamiz.

• sharh

Мен Сени ер-кўкка ишонардимми,
Қизнинг чин бахти бу, тақдир иши бу.
Майли, юрагингга кирган мардингнинг —
Бошга қўнган, кетмас Хумо қуши бўл.

Не дейин, не дейин, мен не ҳам дейин,
Қизим остонамдан оёқ узар чоғ.
Хонадон ҳувиллаб қолгандан кейин,
Кушини учириб юбораркан боғ.

Хатодай туюлар менга ушбу хат,
Ушбу тақдир, қалбга санчма тиғингни.
Мен ҳеч ўйлабмидим шундай оз фурсат,
Қизим, ўз онангга меҳмонлигингни.

Ёшлигинг ўтдими шўх, хандон отиб,
Мурғак юраккинанг озор чекмайин.
Олмадай бировга узатаётиб,
Не учун кўзимдан ёшлар тўкмайин.

Ўйларинг йўқмиди мендан яширин,
Туйғуларинг ғамдан ёнмаганмиди...
Тушунтира олмай менга гоҳ сиринг,
Ёстиққа кўз ёшинг томмаганмиди?

Бўлмаганми, айтгин, Сен норизо пайт,
Бағримизда кечган қувонч, мунглардан.
Сен айт, болажоним, розимисан, айт,
Отанг уйидаги ўтган кунлардан.

Тинаётган кўзим Сенга тикаман,
Қучоғимдан Сени олди-ку тақдир.
Бу тақдирга қандоқ мен кўникаман,
Билмам, куним сенсиз қандоқ ўтадир?!

Майли, Сен борар боғ энди кўрмай кам,
Толе менинг меҳрим шу боққа солсин.
Мен ола билдимми кўнглингни, билмам,
Болам, борар жойинг кўнглингни олсин.

Мен сени ер-кўкка ишонардимми?!

Ҳалима Худойбердиева

16 may kuni boshlangan «BEST SOFT UZBEKISTAN 2012»  ko'rgazmasi Toshkent Axborot Texnologiyalari Universitetida davom etmoqda.Bugun ham o'z yangiliklari va yangi lohiyalari bilan ishtirok etayotgan mamlakatimizning bir qator tashkilot va o'quv muassasalari, ta'lim va internet portali xodimlari tadbirda kelganlarlarga o'z loyihalarini namoyish etishdi.
Quyidagi suratlar orqali ko'rgazmada ishtirok etgan muassalar haqida ma'lumot olishingiz mumkin:

• Best Soft Uzbekistan 2012

Ko'zlarimdan oqqan navosan,
Ko'ngil ichra topganman seni.
DIl qumsagan toza havosan,
Osmoningga olib ket meni.
 
Malol olma yolg'on umidni,
Vasling bilmay sevaman seni
Sog'inganman oppoq bulutni,
Osmoningga olib ket meni.
 
Osmoningga, osmoningga
Olib ketgin, Olib ketgin
Yuragimda, yuragimda
Qolib ketgin, qolib ketgin.
 
Kuy bilmaydi endi bulbullar,
Qizg'onaman qushdan ham seni.
So'lmish bizga atalgan gullar,
Osmoningga olib ket meni.
 
Nasib etsa bir kun visoling,
Bo'salarga ko'maman seni,
Menga orzu, gulgun xayoling,
Osmoningga olib ket meni.
 
Osmoningga, osmoningga
Olib ketgin, olib ketgin
Yuragimda, yuragimda
Qolib ketgin, qolib ketgin yor.
 
Iroda Iskandarova

Ketar ekansan, shod kunlarimda
ketsang bo'lmasmidi?
Ko'ngling yo'q ekan, aytib ko'nglimdan
o'tsang bo'lmasmidi?
Tangrimdan bukun kelib boshimga
tushdi mushkul savdo
Shunday og'ir bir kunda yor bo'lib,
kutsang bo'lmasmidi?

• hijron

Dil porasi, ko'z qorasiz sen o'zingdursan,
Mening ko'nglim sen aslinda sen ko'zimdursan,
Tomirimda tomir yoygan ilk so'zimdursan,
Ilk og'rig'im, ilk yomg'rim, naysonim Vatan.

Valiylardan ibrat so'ylar juldur sahro
So'ldi qancha saltanatlar, qancha tug'ro,
Maqbaralar aytsin, lekin aytsiz Zuhro,
Yer ostidan suhbat aylar hanuz Kubro,
Termiziylar yotgan bedor qo'rg'onim Vatan.

Ne tong edi izg'irinlar zahrini totding,
Dasturxonda muztar qoldi qandu novvoting,
Shahidlarning munglaridir har bir ravoting,
Abadiyot erur asli adabiyoting,
Cho'lpon, Fitrat, Qodiriy ham Usmonim Vatan.

So'qmog'ingda men bir epkin yo bir nasimman,
Yaproq sening xas bo'lsam gar sening xasingman,
Jayronlaring ko'zlarida qolar so'zingman,
Mening borim sen bilandur, yo'g'im sen bilan,
Katta yo'lga chiqqan ulug' karvonim Vatan.

Sirojiddin Sayyid

Bulut bo'lib osmonga uchsam,
Yomg'ir bo'lib, tushsam sochingga.
Oftob bo'lib, so'ng seni quchsam,
Singib ketsam, men quchog'ingga.

Gulzor ichra men nasim bo'lib,
Atirgulning yonog'in o'psam.
Iforlarga limmo-lim to'lib
Sog'inch bilan so'ng senga tutsam.

Oy nuriga o'ralib tunda,
Yotog'ingda ulashsam ziyo.
Unut bo'lib g'amlaring shunda,
Orzularing bo'larmi ro'yo?

Shunda mendek, chin qalbdan suyib,
Hayotimga sen qaytasanmu?
Va ko'ksimga boshingni qo'yib:
«MEN BAXTLIMAN!» deb aytasanmu?!

( с )

Кеча Испания чемпионатининг қолдирилган 20-тур ўйинлари бўлиб ўтди. Аҳамиятлиси, унда ольтин ва кумуш медал эгалари аниқ бўлди. «Атлетик» майдонига сафар уюштирган Мадриднинг «Реал» клуби йирик — 3:0 ҳисобида ғалаба қозонди ва чемпионликни тантана қилди.Кумуш медал эса «Барселона» жамоасига насиб этди. Улар сўнгги учрашувда «Малага» устидан 4:1 ҳисобида ғалаба қозонишди.
Эътиборингизга турнир жадвалини тақдим этамиз.

Manba:www.uff.uz

Бошинг эгиб, таъзим айла, шукрона айт,
Сени гулдек эркалаган чаман учун.
Осмонларда юрган бўлсанг, тупроққа қайт,
Айтгил, дўстим, нима қилдик Ватан учун?

• Ватан

Авлиёлар, даҳоларнинг бешигисан,
Нақшбандлар топган жаннат эшигисан.
Тирикликнинг навоси ҳам қўшиғисан –
Сен азизсан, муқаддассан, эй саждагоҳ,

• Ватан мадҳи